काठमाडौं उमा आले
भारत जम्मू कश्मीरको उधमपुर जिल्लामा सोमबार एउटा बस खोंचमा खस्यो। समाचार एजेन्सी पीटीआईले अधिकारीहरूलाई उद्धृत गर्दै दुर्घटनामा कम्तिमा १५ जनाको मृत्यु भएको र २० जना घाइते भएको जनाएको छ।
पीटीआईका अनुसार, राम नगर क्षेत्रको कघोट गाउँ नजिकै बिहान १० बजेतिर बस मोडबाट गुज्रिरहेको बेला दुर्घटना भएको थियो।
स्थानीय बासिन्दाहरू सबैभन्दा पहिले घटनास्थलमा पुगे र उद्धार कार्य सुरु गरे। उनीहरूले घाइतेहरूलाई बसबाट बाहिर निकाले। केही समयपछि प्रहरी र उद्धार टोलीहरू आइपुगे।
जम्मू कश्मीरका मुख्यमन्त्री उमर अब्दुल्लाह र उपराज्यपाल मनोज सिन्हाले घटनाप्रति दुःख व्यक्त गरेका छन्।
प्रतिक्रिया दिनुहोस्